Natura 2000 : Europako sare ekologiko bat
Europak klima eta paisaia andana zabala eskaintzen du, fauna eta flora anitzarekin eta espezie askoz aberatsa. Horietako batzuk gaur egun gizakiaren jarduerek hein batean mehatxatzen dituztelarik.
Aniztasun biologokioa zaintzea eta lurraldeen balioa emendatzea helburu bikoitzarekin, Europa Natura 2000 izeneko gune ekologikoen sare handinahi bat sortzen hasi zen 1992 urtean.
Gaur egun 25000 gune biltzen dituen Natura 2000 sareak aktiboki parte hartzen du bizileku naturalen eta espezien babesean Europako batasun osoan. guneetan dauden gizarte, ekonomia, kultura eta eskualdeko jarduerak kondutan hartuz.
Frantziak zeregin garrantzitsua betetzen du Europako sare horren eraikitzean. 1700 gune baino gehiagorekin, Natura 2000 sare nazionalak Frantziako lurraldearen %12.4a (550.000 km2) hartzen du eta Europako herriak elkartzen laguntzen ditu, beren ondare ekologiko komuna zainduz.
Frantses baliabidea
Europak Natura 200 gune bakotxa tokian berean kudeatua izan behar zela kontuan hartu du, lurralde bakotxaren indar eta ahulezien arabera, eta estatu kideen gain utzi du bakotxak bere helburuen lortzeko behar den bidearen hautatzea.
Bere guneak kudeatzeko Frantziak kontsulta eta kontratazioaren bidea hautatu du.
Ibilmolde hunek tokiko eragileen parte hartze aktiboa sustatzen du guneak kudeatzeko sistemen bidez : Natura 2000 kontratuak (nekazaritza inguruneko neurriak, basogintza kontratuak) eta Natura 2000 gutuna.
Natura 2000 sarea ez da bizitza izoztatuaren museoa, gizakia ikusle soila den natura birjinaren posta karta. Alderantziz, Natura 2000ren nahia da bat bestearen ondoan elkarrekin biziaraztea kutsatu gabeko natura bat eta bera errespetatzen eta hartaz arduratzen diren gizakien jarduerak.
Tokiko kontsultari lehentasun handiena emaiteko, Natura 2000 proiektu bakotxa lekuko elkargo batek kudeatzen du (hemen SIVU Mundarrain Artzamendi). Azken hunen gain da Natura 2000 gidaritza batzorde baten plantan ezartzea (COPIL) Natura 2000 gune baten eragile guziak bilduz :
- Tokiko elkargoen ordezkariak
- Estatuko zerbitzuak
- Sozioprofesionalak : ehiztariak, nekazariak, basozainak…
- Zientzia adituak, elkarteak, erabiltzaileak
Harreman eta kontzertazioaren lehen lekua den batzorde hunen gain da Natura 2000 gune bakotxeko proiektuaren eramaitea.